منتدى نسيم
يرجى التسجيل ثم تفعيل التسجيل عن طريق رساله التفعيل المرسله من المنتدى الى اميلك وشكرا
منتدى نسيم


 
الرئيسيةالرئيسية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 (من ارض العرب)دفاعا عن مصر للذين قالوا انها باعت قضية فلسطين

اذهب الى الأسفل 
كاتب الموضوعرسالة
medodowidar
مشرف
مشرف


ذكر
عدد الرسائل : 90
العمر : 28
العمل/الترفيه : طالب جامعي
المزاج : شاعري
تاريخ التسجيل : 04/02/2009

مُساهمةموضوع: (من ارض العرب)دفاعا عن مصر للذين قالوا انها باعت قضية فلسطين   الأربعاء فبراير 04, 2009 7:50 pm

بسم الامة وبسم شاعرها
هي الدنيا ووطني اميرها
مصر ضحت باعظم جدود
وشافت عداء وقالت صمود
وهي في دمي قد الوعود
اللي بوعدها وملهاش حدود
تيجي الدنيا عليها
لكن امي شايله السيف
تيجي تحت رجليها
بكرامة امة عبرت باريف
هي الامة هي القلب
مهما الغلب هي القرب
هي في ساعات الهزيمة
تبقالها سنين الامة اليمة
وفي ساعات الانتصار
كان للامة معاها اجبار
بوفاء الابن البار
بحلاوة الانتصار
يبقي نجي بعد الجيرة
نسأل بعضينا والحيرة
تبعت لاعدائنا اشارة
بتقول ادي ليهم غارة
واخواتك السهارة
لاموكِ يا اعز جارة
اديني فرصة اديني
اديني حتي امارة
ـــــــــــــــــــــــــــــــــــــــــــــــ
2
دي حبيبتي هي الامة
تفرقوها دي تبقي غمة
ولا رضي حنرضي بيه
ولا عتاب حنقول عليه
لان امي التاريخ
بالارض والمريخ
بالنهار بالليل
بسهرها النيل
يغني المواويل
ويداويك ياليل
عشنا فيها من تراب طعموا بحِما
قلنا بيها اشد الحروب وبيها الفدا
مصر ما باعت القضية
قضية ما يموت اللي عاش لياليها
مين اللي قال ممحية
دي هيه قدسي ومصر قامت تحيها
في كل الغناوي
وف كل الحكاوي
مصر بلد السلام
ولا يوم جه ظلام
ولا حتي نكسة تزحزح اميرها
ولا لامتي يوم حيفرح خاينها
وبحمد الله الدنيا واسعة فيها
وبحمد الله امة اتبنت عليها
يجوا اخواتك يا جارة
يقولوا لي يا خسارة
وهما ما عملوا حاجة
وهما ما ليهم امارة
يبقي نجي بعد الجيرة
نسأل بعضينا والحيرة
تبعت لاعدائنا اشارة
بتقول ادي ليهم غارة
واخواتك السهارة
لاموكِ يا اعز جارة
اديني فرصة اديني
اديني حتي امارة
__________________
3
يا احب وطن واعز المكان
بيك اتولد مع قلوبنا الزمان
جت عروسة من دنيا كبيرة
حلمت يوم انها تبقي اميرة
ما لاقت امير شاهد بجمالها
سرح الجميع بامير جالها
انسحرت ليه والقلب مال ليها
وقالت اميرة ليك وانت بيها
اعز امير واصدق امير
طلع الامير بشوقه العبير
من وطني اللي قام علي جناح يطير
باسرع من ضوء النهار اللي يسير
بنشيد الفدا يهد اللي اعتدا يصد اللي حدا ارض الزمان
يقول الندا يداوييك يا فدا يحرص بلادك وانتي له الحنان
ترك الزمان كل الاوطان
وقال اتولد في اعز مكان
بيك يا مصر بيك يا مصر
ساب احزان و ساب اشجان
وقال الامان في اعز مكان
بيك يا مصر بيك يا مصر
اتحدي العالم ان الحنان والامان
اللي في بلادي ما في زيه حنان
بيك يا مصر بيك يا مصر
هات يا عدوي تاريخ الماضي
وهم وليل وظلام وكتاب فاضي
ما اتلمس فيه نقطة من احبار
لكن بزمني شهد نقط لا انهار
خلصت الطبعة الميت مليون
ولسه عندي قدهم لارق عيون
والله العون الله العون
لكل المآسي فيه يخون
لكن بلادي حارسها الله
حارسها جنودي بالحياه
قامت للدنيا باجمل صلاة
ولسه العناد فيه البلاد
اقول لمين بكفي الحداد
يبقي نجي بعد الجيرة
نسأل بعضينا والحيرة
تبعت لاعدائنا اشارة
بتقول ادي ليهم غارة
واخواتك السهارة
لاموك يا اعز جارة
اديني فرصة اديني
اديني حتي امارة
__________________
4
ليه قلتوا عليها الحق
لان من تاريخ اتشق
قال عودوا للديار
اللي ربت الاعمار
اللي صنت الاقدار
اللي حبت الاصرار
وقال للي عملتوه
وقال للي جنتوه
الف لاء ولاء
اقول لان بلدي بخيرها
حمت علي حق غيرها
والشعب العربي قال بحاله
صدق ساعة ما يوم جاله
قال مصر هي الاساس
قال نصر الله وحماس
كل الامم عادت الينا
كل الهمم عادت لينا
ولا بنحزن علي قال الجيرة
بتخون وهو عارف الحيرة
يبقي نجي بعد الجيرة
نسأل بعضينا والحيرة
تبعت لاعدائنا اشارة
بتقول ادي ليهم غارة
واخواتك السهارة
لاموكِ يا اعز جارة
اديني فرصة اديني
اديني حتي امارة
__________________
5
مصر هي ام الامة
مصر فوق الشفايف غنوة
مصر صدق اللي سما
مصر بشوق جمالها حلوة
لا نسيت عراق ولا نسيت جزائر
لا شافت فراق ولا سكتت بحائر
ده القلب بيها ثائر
والعمر فيه شاكر
انه عاش بده الوطن
انه احيه فيه الزمن
لا نسيت سوريا ولا قالت المظاهر
لا نسيت القدس والجرح بيها غائر
حددت المصائر وفرحت باللي غادر
خان بلده وهاجر وهو سواح وحائر
سقطت وردة من دم وطني
و كل الليالي سهرت بشجني
بعد ما عدت بميت شهيد
رجعت مصر تاني تعيد
الاحرار ثاروا وقالوا عايزين اللي نالوا
زي ما سهروا لينا زي ما قالوا بينا
نديهم الاختيار
حتصير امة بنهار
لكنه لازم يحتار
لانه فارقني بمرار
شفتم ان الحكمة فيها وبيها
بالف كلمة لما جنيتوه عليها
يبقي نجي بعد الجيرة
نسأل بعضينا والحيرة
تبعت لاعدائنا اشارة
بتقول ادي ليهم غارة
واخواتك السهارة
لاموكِ يا اعز جارة
اديني فرصة اديني
اديني حتي امارة
__________________
6
عايزين نرجع لدينا
ونشوف الصبر يحلنا
ل لجنة الاصرار
و مصرنا النصرة تجلنا
تاني ومصرنا ديما تشلها
لجنة من الانهار
قامت علي المصائر
اللي قالت بكم
واللي ديما فينا جارح
له يوم ونصره ده رايح
اللي خالنا كلب صايح
اللي عصرنا ف الذبايح
اللي طوناله الصفايح
اللي عشنهاله بمدابح
اللي كتروا فيه مدايح
اللي زادت له القرايح
اللي دعت عليه ضرايح
واللي جارح ده زمنه رايح
زمنه رايح اه زمنه رايح
بعون من عند اللي جاوب
سبحانه علي دعا يا واهب
اعطينا كل سيف للغاضب
يطهر جراح وغبار عناكب
يشجع قلوب وصمد محارب
نادي بعزة يا اهل غزة قارب
عصر الصمود ولكم مكاسب
لا تتقدر دي من عند الواهب
ولا حنرجع لتلك السيرة
ونجيب في اسوء نميمة
دي الام بسترها حليمة
ولا
نبقي نجي بعد الجيرة
نسأل بعضينا والحيرة
تبعت لاعدائنا اشارة
بتقول ادي ليهم غارة
واخواتك السهارة
لاموكِ يا اعز جارة
اديني فرصة اديني
اديني حتي امارة
__________________
7
ببعت من الاجفان
دموع بكي وسلوان
بمشيئة لكم الامان
بمشيئة لكم رضوان
تبعتها كل الاوطان
لا تنام مني يا حنان
اصمد معاي داوي غناي
سمع شريدك موجعي
واسي حرقتك بمدمعي
وانتي يا جنة اطمعي
بعباد ببلاد بكت اضلعي
ايوه يا جنة اسمعي
قولي للبشر وسمعي
ورسولنا معاهم معي
ايوه يا رحمة اشفعي
ده ياما واسي القلب
كل اللي شاف مالغلب
وهو يا امة اشد صلب
ومصر تعدي الصحرا
ومصر تداوي الجرحي
لا تقولوا تقصير ولا حتي تصغير
اسمعوها من لبنان
اللي سقناها حنان
واسقوا قلبي امان
في تاريخ الزمان
من اليونان حتي اليابان
ولا حقول واتفاخر
لما تشوفوا مصائر
غيرتها امي من السكن
بمكان غريب ولا عدن
ولا حتي حضن
ولا حتي عدن
جنة اسيبها لجنة خلود
مليش مع حبها حدود
لكن عدن هي الوجود
يارب تكمل حياتي بجود
في منزلة المحسود
مع انه مفقود لكن مولود
بطعم تاني ودنيا تانيه
لان الدنيا فانية فانيه
ولا
نبقي نجي بعد الجيرة
نسأل بعضينا والحيرة
تبعت لاعدائنا اشارة
بتقول ادي ليهم غارة
واخواتك السهارة
لاموكِ يا اعز جارة
اديني فرصة اديني
اديني حتي امارة
_________________
8
مصر وصال ومودة
علي طول سكة ممتدة
من عدن حتي اليمن
وجنود منها بتعود
علي افراح وورود
بالسلامة يا حبايب بالسلامة
وسلامة للشهدا ولا ملامة
قضيتوا الواجب ولا ندامة
اما بذمة
انتوا بديتوا الامر والملامة
ووطني هو العزة والكرامة
ليه الملامة وعمر مالغرامة
قدرت تعلم عالم
ان النصر لقادم
لاموكِ لا رعوكِ
ولا
نبقي نجي بعد الجيرة
نسأل بعضينا والحيرة
تبعت لاعدائنا اشارة
بتقول ادي ليهم غارة
واخواتك السهارة
لاموكِ يا اعز جارة
اديني فرصة اديني
اديني حتي امارة
__________________
9
يا بنية الله بالسعادة
اتكتبتلك منه الشهادة
ومصري يا قدس لتعيش لياليها
بدمع وجرح وصياحك مصحيها
لك اعظم شهادة
ويارب اهب العبادة
والاجر للجرح وزيادة
والعزم والارادة
تعود مني لك يا صابر
يارب تهنينا بالبشائر
وتخلي القمر ظاهر
وتننور تاريخ زاهر
ويعود السيف الطاهر
ومعاه الحبر فالدفاتر
ليه قالوا عليك قادر
يا زمان تعودلي طاير
بالشوق لينا للاوائل
ولا يعودل اللي راحل
نوحد فصائل كانت جحافل
ولا تبكي الانامل
الله عليك يا شاعر
انا فعلا بجد شاعر
لان كل من عاش فحاضر
وبلد شدت باحلها مشاعر
او حتي عدي ساهر وغادر
او حتي كافر وعاهر وآمر
سجدوا للي أمر وهو القادر
سبحانك ربي اعلم بالسرائر
كل دول شافوا بلدي ساحر
شافوا الطيبة وارق مشاعر
شفنا النيل والليل فيها ساهر
علي كلمة شاعر وارق شاعر
كان كل واحد بينهم مهاجر
وكل واحد فيهم بيها عامر
او عاشها ثانية بقي شاعر
ده شاعر اللي لسه حاضر
ولا
نبقي نجي بعد الجيرة
نسأل بعضينا والحيرة
تبعت لاعدائنا اشارة
بتقول ادي ليهم غارة
واخواتك السهارة
لاموكِ يا اعز جارة
اديني فرصة اديني
اديني حتي امارة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
(من ارض العرب)دفاعا عن مصر للذين قالوا انها باعت قضية فلسطين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى نسيم :: القسم الثقافى :: الشعر العربي والفن الرفيع-
انتقل الى: